miércoles, 20 de abril de 2011

O BNG PRESENTA A LISTA COMPLETA CON MOITA ILUSIÓN E MOITA GANAS DE TRABALLAR POR FORCAREI

O BNG, presentou onte a súa candidatura para as vindeiras eleccións do 22 de maio. Un proxecto novo para un concello novo baixo o lema “Tempo de cambio, tempo de compromiso” presentan a alternativa a un concello esquecido con déficit de goberno e de oposición.

Para a candidata á alcaldía a candidatura do BNG é a mellor para liderar o cambio político en Forcarei. É reflexo do traballo realizado durante estes catro anos , nos que a pesar de non ter representación municipal estivo no día a día dos veciños.

A candidatura está conformada por:

1. Anabel Gulías Torreiro (29 anos). Natural de Forcarei. Licenciada en Ciencias Políticas e da Administración cun mestrado en Desenvolvemento Rural e Comarcal. Traballou no gabinete de alcaldía do concello de Pontevedra e actualmente é a técnica do grupo de desenvolvemento rural Ulla Umia Lérez que abrangue, entre outros, os concellos de: Forcarei, Cerdedo e A Estrada.

2. Antonio Doval Villaverde (47 anos) natural de Aciveiro .Este gandeiro foi representante pola provincia de Pontevedra das Cámaras agrarias durante 4 anos . Loitador incansábel afronta esta etapa como un punto de inflexión para Forcarei.

3. Rosario Fernández Couceiro (40 anos ) . Gandeira de Meavía. Muller representativa do sector, revindica medidas concretas en relación á muller e o agro. Participa na comisión de festas da súa parroquia.

4. Gustavo Brea Torres (33 anos) . Médico, vencellado a Forcarei , concello no que traballou e no que agora pasa a maior parte do seu tempo. Interesado en temas de sanidade e de lecer, busca alternativas ao punto crítico no que se atopa o concello. Forma parte do grupo de rock galego NAO.

5. José Antonio Martínez Calvo(28 anos). Carpinteiro, natural da parroquia de Quintillán. Participa na candidatura para mellorar e conseguir que as infraestruturas do concello sexan útiles para todos os veciños .

6. Concha Alonso (53 anos). Natural de Soutelo de Montes é catedrática de secundaria na especialidade de administración de empresas. Sempre vencellada ao BNG, traballou por un concello con propostas sólidas en materia económica . Membro da Asociación VERBO XIDO.

7. Belisario Barros Fírvida (35 anos) Natural de Dúas Igrexas. Este empresario xoga no equipo de baloncesto do concello, participou na organización do I Torneo de baloncesto benéfico no que se recadaban fondos para Nicaragua .

8.Valentín García Bóveda (37 anos). Natural de Ratel (Presqueiras) Técnico comercial. De familia nacionalista (é neto do ilustre galeguista Alexandre Bóveda) participa activamente na política cultural do concello, é o tesoureiro da asociación Verbo Xido e membro da Xunta Reitora da Fundación Alexandre Bóveda.

9. Roberto Pardal Fraíz ( 40 anos)Natural de Castrelo e fotógrafo de profesión, defende un concello que brinde oportunidades para todos .

10. Lucía Martínez Brea (23 anos) Traballadora do sector da hostalería , é a persoa máis nova da candidatura e pretende integrar o punto de vista da mocidade na candidatura.

11. Ana María Álvarez Chamosa (39 anos ).Forcarei, profesora de lingua galega , leva anos participando no BNG de Forcarei e marca a continuidade entre os dous proxectos nacionalistas .

Suplentes:
1. Sonia Gulías Torreiro (36 anos) . Natural de Forcarei . Avogada

2. José Antonio Lalín Villaverde (33 anos) Soldador , natural de Aciveiro

martes, 5 de abril de 2011

PRESENTACIÓN DOS PRIMEIROS POSTOS DA CANDIDATURA

O vindeiro sábado día 9 de abril ás 12:00 horas , no Victoria terá lugar a presentación dos primeiros postos da candidatura do BNG de Forcarei.
Nun acto no que o BNG pretende dar o pistoletazo de saída a unha nova época da formación na localidade, aínda que sen esquecer a todos /as os/as simpatizantes que durante este tempo estiveron apoiando á fronte na súa andadura política no concello.
No acto falarán o deputado Bieito Lobeira e a candidata á alcaldía Anabel Gulías Torreiro, que moi ilusionada afirma : “o BNG preséntase desta volta renovado e afortalado. Os/as veciños /as xa coñecen as outras dúas forzas políticas e que é tempo de aire fresco no concello.”

A CANDIDATA Á ALCALDÍA FALA DO FUTURO DA MOCIDADE NO RURAL NA CONVENCIÓN ELEITORAL DO BNG

O portavoz nacional do BNG, Guillerme Vázquez, participou na Convención Electoral Municipal nun encontro con candidatos e candidatas menores de 30 anos no que compartiron experiencias de goberno e propostas de futuro.
O líder nacionalista animou na súa intervención á mocidade a comprometerse “para contruír concellos democráticos, participativos, galegos, porque así construiremos país e nación”.
Anabel Gulías , candidata á alcaldía de Forcarei, manifestou a necesidade da posta en valor dos nosos sectores produtivos estratéxicos nomeadamente o agro gandeiro para facer da política municipal instrumento áxil . Nesta mesma línea apuntaba a necesidade de crear nos concellos secretarias municipais do agro que funcionasen como xanelas informativas sobre todo o relacionado co medio rural: axudas, trámites , información sobre as concentracións parcelarias ….
Deixamosvos o enlace do video : http://www.youtube.com/watch?v
=ZH2xv1weIPw&feature=player_embedded#at=28

jueves, 17 de marzo de 2011

PUNTOS BÁSICOS SOBRE A POLÍTICA MUNICIPAL EN FORCAREI E O BNG!


  • O BNG ten un proxecto claro para o concello unha alternativa, ideas e sobre todo gañas de traballar. É necesario que entre xente nova e con ilusión!
  • O BNG fará oposición no concello e non nos medios de comunicación.
  • O BNG conta con xente capacitada para resolver os problemas.
  • O BNG goberna en concellos cercanos nos que os veciños respaldan a xestión.
  • O BNG non fai unha política de confrontación sen sentido , analiza e posicionase en función do interese de todos non en función do número de votos que esa postura lle dea.
  • O BNG non se avergonza nin se acomplexa do que é , nin engana a ninguén cando votas BNG sabes o que votas.
  • O BNG, por moito que o intenten , non se amedrenta ante as críticas fáciles, renovamos a estrutura e levamos 4 anos traballando por cambiar as cousas
A ninguén máis que os veciños de Forcarei lle interesa que a situación mude, ao final eles van escoller a quen queren no goberno e na oposición.

Os veciños xa coñecen ás outras dúas forzas políticas e hora dun cambio, é tempo de compromiso , é tempo do BNG!


A ENQUISA DO CIS CONFIRMA A SUBA DO BNG NO ESTADO ESPAÑOL


CIS confirma a tendencia á alza do BNG ao atribuírlle no su inquérito de Xaneiro de 2011 unha intención directa de voto do 0,6 por cento no conxunto estatal, 3 décimas máis do que este instituto de opinión lle outorgaba no estudo realizado en Outubro de 2010.

Habería que retrotraerse a Abril de 2008 para acharmos unha intención directa de voto tan alta para o Bloque Nacionalista Galego.

A estimación de voto que o CIS realiza para o BNG -e que é froito de combinar a intención directa coa simpatía que esperta a formación nacionalista galega e outras variábeis- acada o 0,9 por cento do voto emitido no conxunto do Estado, unha décima máis do resultado que obtivo o Bloque nas eleccións xerais de 2008.

Este resultado positivo do CIS vense unir a outros estudos realizados por institutos de opinión privados que concordan tamén en sinalar a tendencia alcista do BNG.

QUE ESTÁ PASANDO COAS UXFOR?

As UXFOR ( Unidades de Xestión Forestal) caracterízanse polo agrupamento de parcelas cara a súa xestión en común seguindo un plan, o Instrumento de Xestión Forestal Específico (IXFE), establecido e aprobado pola Asemblea de propietarios. Este instrumento de mellora dos nosos montes foi posta en marcha polo BNG no período que goberno a Xunta de Galiza, en concreto, a Consellaría de Medio Rural.

Entre as súas vantaxes, as UXFOR caracterízanse pola recuperación e posta en valor da propiedade forestal abandonada, a consecución de unidades produtivas de maior tamaño, que permitan e optimicen a rendibilidade do monte, así como unha xestión común e profesional do monte. Todo iso redunda non só nun mellor aproveitamento do monte, senón que diminúe considerabelmente o risco de incendios forestais.

En Forcarei promoveron a UXFOR do Sixto para xestionar 56 hectáreas, divididas en 15 parcelas en mans de 2 propietarios ( unha parte é monte comunal). No cambio de goberno tiñan presentada a presolicitude.
Incluso nas reunións previas á constitución estivo Gonzalo Constela , quen animou aos veciños para iniciar os trámites canto antes e deste xeito axilizar o procedemento.

O problema é que co cambio de goberno tamén cambiou o xeito de facer as cousas, e o que antes era financiábel pola administración xa non é dificultando os trámites e a constitución das UXFOR, poñamos un exemplo: antes os propios técnicos da consellaría redactaban os planos de ordenación do monte, ferramenta básica para determinar cal era o mellor xeito de organizar a actividade nos montes , e condición indispensábel para a constitución dunha UXFOR.
Agora isto xa non é así , se os propietarios queren seguir adiante co proceso deben contratar a técnicos externos para facelo.
O BNG sempre apoiou que a administración fose quen de recuperar e facilitar o traballo ás comunidades de montes e a poboación en xeral.

Isto determina un xeito de entender a política , para o BNG a administración debe garantir o presente e sobre todo o futuro dos nosos montes , para iso puxo en marcha o banco de terras , as UXFOR …

Para o PP existen dous tipos de facer política forestal , por unha banda entenden que debe ser a iniciativa privada a que vele polos intereses dos montes esto é :que paguen as comunidades de montes. E por outra banda a consecuencia da primeira: que non hai cartos? Pois mala sorte e non se fai nada o que explica situación do monte comunal en moitas partes da Galiza.
Dende o BNG preguntámonos cómo o PP pode estar tan alonxado da realidade social dos concellos. Como poden pretender que en concellos que perden poboación de forma desmesurada, nalgúns lugares nos que os máis novos non coñecen as delimitacións das parcelas se conserven os nosos montes limpos.

Apoiar unha opción ou outra opción política implica facer unha declaración de intencións sobre os nosos montes , senón botade unha ollada ás novas da prensa e mirade quen está prol da defensa a ultranza dos nosos montes.

O BNG DE FORCAREI , UNHA REVISIÓN: PASADO, PRESENTE E, FUTURO.

Entrevista á responsábel local sobre a situación do BNG no concello.

Como avalías a situación actual da organización no concello?
A ver eu creo que , debemos ser ante todo honestos é recoñecer que as cousas están difíciles. Para nós foi un golpe duro perder o goberno da xunta e seguir sen ter representación no concello, porque temos moitas dificultades para conseguir información e non temos posibilidade de empregar os mecanismos institucionais. isto é , non podemos facer mocións, propostas … sinceramente, para nós, isto é un problema.Pero tamén debemos ser realistas e recoñecer que dende as municipais vense realizando un traballo continuo con presenza do BNG en todas as eleccións e incluso mellorando os resultados, que o BNG estivera facendo campaña nunhas europeas francamente era impensábel e agora xa estamos falando de propostas para as municipais cos veciños, isto sen dúbida é un gran avance.

Como valoras a actuación do goberno municipal?
Eu creo que eles están esgotando un ciclo e que os veciños estanse dando conta, Nós dende o BNG sempre tivemos unha visión clara de cara onde debía ir o noso concello , e dá a sensación de que equivocados ou non , somos os únicos que sabemos por donde queremos tirar. Para nós sacar o flote o sector agroganderio foi , é e será unha prioridade moito máis nos tempos que corren , grazas a anterior consellaría de Suárez Canal , puxemos en marcha as concentracións parcelarias de: Meavía – Quintillán , Dúas Igrexas, Millerada e Aciveiro, intentamos simplificar os trámites xuntando fases que se facían en dou anos como levantamento topográfico e o estudo de impacto medioambiental, coa consellaría do BNG fixéronse nun ano .
Outras das cuestións que máis magoa nos dá e a reforma da lei de concentración parcelaria que queda pendente , o BNG quería que os gandeiros fosen os máis beneficiados con estes procesos.
Pero o BNG non so se preocupa dos gandeiros, tamén amosamos a nosa preocupación polo plan de ordenación municipal que deixaba uns núcleos enormes e que facían que veciños tiveran que pagar moitos cartos pola contribución sen ter os mesmos servizos .
E por suposto nós queremos que o noso concello teña unha oferta cultural propia que potencie as nosas diferenzas , e que dicir do turismo ,para nós é importante ordenar e potenciar este sector a partir da creación de novos produtos que inviten a pasar unha fin de semana .
Tampouco esquecemos o sector empresarial e industrial que debe ser apoiado dende o concello, o que queremos que quede claro e que no BNG temos alternativa.

Como valoras o papel da oposición?
Eu non vou a entrar a valorar o que fai o PSOE , eu vou a valorar a noso papel na oposición fóra do pleno, moito dos veciños de Forcarei, téñennos dito que non saímos na prensa , e nós sempre contestamos do mesmo xeito: nós o que queremos antes de nada é que a xente saiba de nós ,que seguimos aquí e que tratamos de resolver as cuestións que están na nosa man , pero sobre todo o que pretendemos é que axente de Forcarei perciba a necesidade de que entremos no concello , para defender os seus intereses, logo xa virán as notas de prensa.

Para rematar, hai alternativa en Forcarei?
Definitivamente si , hai alternativa porque hai BNG